«Госпадзі, хто за гэта адкажа?» У Міёрскім раёне каровы вытапталі могілкі і пашкодзілі помнікі

У вёсцы Дрыгучы Мiёрскага раёна напрыканцы траўня адбылося надзвычайнае здарэнне на сельскіх могілках: статак кароў выйшаў на тэрыторыю пахаванняў і пашкодзіў магілы, помнікі, агароджы і рытуальнае начынне. Пра гэта ўжо ў чэрвені распавяла ў TikTok мясцовая жыхарка. Паводле яе словаў, наступствы «нашэсця» апынуліся сур’ёзнымі — частка пахаванняў апынулася разбуранай.

Чытайце таксама: Раённая газета адрэагавала на відэа з фермы «Наша Радзіма», дзе каровы па вымя ходзяць у гноі

Мясцовыя жыхары спрабуюць зразумець, як жывёлы наогул апынуліся на могілках

Каму менавіта належыць статак, афіцыйна пакуль не паведамляецца. На сайце раённай газеты «Міёрскія навіны» ў вёсцы Дрыгучы згадваецца толькі адзін калгас — МТФ «Дрыгучы» ААТ «Туркова». Пацверджанняў датычнасці менавіта гэтай сельгасарганізацыі пакуль няма.

Мясцовыя жыхары абмяркоўваюць здарэнне ў каментарах, спрабуючы зразумець, як жывёлы наогул апынуліся на могілках. Каментатары не хаваюць сваіх эмоцыяў:

• «Проста жахліва, і гэта не першы раз такое».
• «Жэсць, вядома».
• «Госпадзі, хто за гэта адкажа?»

Пры гэтым частка беларусаў звяртае ўвагу на больш сістэмную праблему:

• «А чаму могілкі не агароджаныя? У нас пашава побач з могілкамі, але каровы туды ніколі не захадзілі: яны агароджаныя, ды і электрапастух стаіць».
• «Ніхто нічога не агароджвае».

Раённая газета «Міёрскія навіны» на момант падрыхтоўкі матэрыялу ніяк не адрэагавала на інцыдэнт. Зрэшты, відэа толькі набірае агалоску, а рэакцыя афіцыйных крыніцаў, імаверна, яшчэ наперадзе.

В сети каждый ваш клик оставляет след, который могут использовать против вас. Не позволяйте превращать ваши интересы в уголовные дела. Включайте BGlobal VPN — будьте невидимы для посторонних глаз.

Ссылка на подключение BGlobal VPN – здесь 

Чытайце таксама: «У нас есть просьба к вам». У властей Бреста нет денег на восстановление памятников на Тришинском кладбище

Падобны выпадак адбыўся ў Полацкім раёне ў 2022 годзе

Дарэчы, падобны выпадак адбыўся ў Полацкім раёне ў 2022 годзе. Тады ў вёсцы Рагачы статак кароў таксама выйшаў з пашы і пашкодзіў каля 60 надмагілляў на мясцовых могілках. Частка помнікаў аднаўленню не падлягала. Улады тады праводзілі рэвізію і ацэнку шкоды, а таксама заяўлялі, што адказнасць будзе ўстаноўленая, а вінаватыя асобы панясуць пакаранне. Пасля здарэння людзі прыязджалі на могілкі і фіксавалі пашкоджанні, а аднаўленне тэрыторыі ішло паэтапна.

Для сваякоў пахаваных у Дрыгучах гэты прыклад цяпер выглядае асабліва паказальна. Тады ў Полацкім раёне пытанне хаця б дайшло да афіцыйнай ацэнкі шкоды і разбору. Ці змогуць у Мiёрскім раёне дабіцца такога ж выніку — цяпер будзе залежаць ад таго, ці з’явіцца афіцыйная рэакцыя і хто ў выніку возьме на сябе адказнасць за тое, што здарылася.

Чытайце таксама: «Лес у Плоски превратился в склад просрочки»: брестчанин нашел странную свалку под кладбищем

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро