Жыхар Мар’інай Горкі паскардзіўся на непрыбраны снег і лёд — яго падтрымалі гараджане

У Мар’інай Горцы мясцовы жыхар эмацыйна адрэагаваў на непрыбраны снег і лёд у розных частках горада. Сваю незадаволенасць ён выказаў у відэа ў TikTok, дзе не стрымаў эмоцый, паказваючы стан тратуараў.

Чытайце таксама: Гамельчане самі расчышчалі лёд каля сваіх дамоў без камунальнікаў

«А вось зноў, глядзіце. Мар’іна Горка. Гэта ж краіна цудаў ці краіна дурняў. Ідзе тратуар і кіпа снегу, б***ь… Ну як так можна? Што гэта такое? Людзі пратапталі сцежку і абыходзяць усё», — кажа мужчына ў роліку, дэманструючы, як пешаходам даводзіцца абыходзіць гурбы і слізкія ўчасткі.

@777m.g7♬ оригинальный звук — Сергей777M.G.)

Пад відэа хутка з’явіліся каментары ад іншых жыхароў Мар’інай Горкі, якія пацвердзілі, што праблема насамрэч існуе. Некаторыя звярнулі ўвагу на працу камунальных службаў і сістэму зваротаў:

• «На 115 там прыбрана… Сэрвіс для адпісак ЖКГ, для грамадзян адныя абмежаванні, каб не паказаць усю карціну бардака».
• «Там шчотка не можа прайсці, а майстры тэрыторыю не абыходзяць. Няма адказнасці, пакуль носам не ткнеш».
• «Значыць, так можна. Але можа так патрэбна, чаму тут здзіўляцца».

Частка карыстальнікаў параіла мужчыну самому ўзяць рыдлёўку і навесці парадак замест крытыкі ў TikTok. Ён сапраўды прыслухаўся да гэтых парадаў: ужо на наступны дзень сцежка была расчышчаная, пра што ён паведаміў у новым відэа.

@777m.g7♬ оригинальный звук — Сергей777M.G.)

Гісторыя паказала, што праблема непрыбранага снегу ў горадзе хвалюе простых жыхароў, якім даводзіцца браць ініцыятыву ў свае рукі. Пакуль пытанне сістэмнай уборкі і адказнасці камунальных службаў застаецца адкрытым для жыхароў многіх гарадоў.

Чытайце таксама: Патоп у новым мікрараёне Віцебска: жыхары пакутуюць ад затопленага пад’езда

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро