«Зрабілі кавалак для фоткі ў Instagram». Жыхары Мазыра раскрытыкавалі добраўпарадкаванне аднаго з двароў

Работнікі дзяржаўнага прадпрыемства «Мазырскі райжылкамгас» адчыталіся пра тое, як правялі добраўпарадкаванне прыдамавой тэрыторыі і рамонт асфальту каля дамоў №16 і №16/1 па вуліцы Нафтабудаўнікоў.

Чытайце таксама: Жыхары Мазыра высмеялі ўрачыстае адкрыццё жылога дома, куды засялілі супрацоўнікаў Дэпартамента аховы МУС

Жыхары Мазыра расказалі, як гэтае «добраўпарадкаванне» выглядае ў рэальнасці

Жыхары Мазыра засталіся ў шоку ад убачанага на фотаздымках. У каментарыях яны падрабязна расказалі, як гэтае «добраўпарадкаванне» выглядае ў рэальнасці. Іх тон далёкі ад удзячнага:

• «Прабачце, але асфальт паклалі жахліва. Што гэта за дарожка для людзей праз люкі? Паркоўкі нармальнай няма. Проста абы-як. На ўездзе ў двор закаталі разам з люкамі, каля пад’ездаў яма і прыступкі».
• «Лепш зрабіце відэарэпартаж на гэтым участку і радыус агляду большы) Там ёсць на што паглядзець пра гэты “рамонт”!»

Мясцовыя жыхары скардзяцца, што пасля «рамонту» з’явіліся лужыны, па двары стала складана прайсці падчас дажджоў, а ў некаторых месцах асфальт пачаў разбурацца практычна адразу пасля ўкладкі.

Тое, што вы чытаеце і гледзіце ў сетцы, тычыцца толькі вас. Ніхто не павінен падглядваць за вашым экранам і лічыць вашыя падабайкі. Уключайце BGlobal VPN — будзьце нябачныя для любых сістэм сачэння. Заставайцеся ў бяспецы.

Спасылка на падключэнне BGlobal VPN – тут

Іх падтрымалі іншыя каментатары, раскрытыкаваўшы якасць рамонту:

• «Галоўнае — адчытацца, што паклалі… а як і што — усім усё адно».
• «Зрабілі кавалак [асфальту] для фоткі ў Instagram».
• «Якое гэта, халера, добраўпарадкаванне, спачуваю вам, нічога добрага не зрабілі, а шкада, незразумела, куды нашы грошы ідуць».

Ёсць і іншыя адрасы, якія агучылі ў каментарыях як прыклады нявырашаных праблем. Жыхары называюць вуліцу Студэнцкую, 36, дзе, паводле іх слоў, рамонт або не праводзіўся, або не даў ніякага эфекту, а двор па-ранейшаму застаецца ў нездавальняючым стане. Згадваецца і вуліца Няжнова — там пасля рамонту стала яшчэ складаней перасоўвацца як пешшу, так і на аўтамабілі.

Пад афіцыйным паведамленнем пра выкананыя работы сфармаваўся асобны паток зваротнай сувязі, дзе жыхары апісваюць не справаздачныя фармулёўкі, а штодзённы досвед карыстання гэтымі дварамі пасля рамонту. І гэты досвед, мяркуючы па каментарыях, прыкметна разыходзіцца з афіцыйнай версіяй «добраўпарадкавання».

Чытайце таксама: «Вашыя нявыхаваныя дзеці». У Мазыры дырэктарка школы пасварылася з мясцовымі жыхарамі праз смецце на дзіцячай пляцоўцы

Будь на связи и в безопасности: подключи BGlobal VPN

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро