«Ці не я адна такая?»: мінчанка патлумачыла, чаму не ходзіць на масавыя мерапрыемствы

Мінчанка Ганна прызналася, што за 16 гадоў жыцця ў сталіцы ні разу не была на гарадскіх або дзяржаўных святах — ні на парадах, ні на салютах, ні на бясплатных канцэртах.

«Я жыву ў Мінску ўжо больш за 16 гадоў, і за гэты час ні разу не была на масавых мерапрыемствах, такіх як 9 мая або Дзень горада. Я маю на ўвазе парады, салюты, якія-небудзь бясплатныя канцэрты. Я імкнуся пазбягаць гэтых падзей. Не ведаю, чаму — магчыма, я іх баюся. Часцей за ўсё на такіх мерапрыемствах нешта адбываецца.

Нават калі ў парку ладзяцца нейкія бясплатныя мерапрыемствы, мы іх таксама не наведваем — таму што там столькі людзей і можна атрымаць столькі негатыву. Скажыце, ці не я адна такая?»

@anya_misha2 Тишина вместо гула толпы. Наш выбор. #семья #отдых #прогулка #антитренд #беларусь ♬ оригинальный звук — Anya_misha

Гэтае відэа выклікала дыскусію ў сацсетках.

«Інстынкт самазахавання»

Шмат каментатараў пагадзіліся з Ганнай (стылістыка і арфаграфія каментароў захаваныя паводле арыгінала).

«Я мінчанін у трэцім пакаленні, жыву на плошчы Перамогі, і на масавыя святы мы заўсёды едзем за горад».

«Усё жыццё жыву ў Мінску і ненавіджу масавыя мерапрыемствы», — дзеліцца жанчына. Ёй адказалі: «І правільна, разумныя людзі. Усе гэтыя святы для дзяцей і мянтоў».

«Пачынаючы з трагедыі на Нямізе 1999 года я нікуды не хаджу».

«Тыя, у каго ёсць інстынкт самазахавання, той не наведвае масавыя мерапрыемствы», — піша адзін з карыстальнікаў Tik-Tok. ««Мероприятие» гучыць як «мер принятие». Яшчэ са школы гэтае слова заклала ў падсвядомасць нешта прымусовае і нецікавае», — дзеліцца сваім досведам іншы каментатар.

Чытайце таксама: «Мы так ходили — и вы терпите»: видео из Новогрудка вызвало бурю комментариев

Спрэчкі

Знайшліся і тыя, хто не пагадзіўся з меркаваннем Ганны. Аднак з імі паспелі паспрачацца іншыя:

«У Мінску жыве 90% калгаснікаў. Ім патрэбныя толькі лецішча і агарод».

«На вашае меркаванне, калгасніками лічацца тыя людзі, хто любіць прыроду, цішыню, экалагічна чыстыя прадукты з агарода і свежае паветра? Разумна».

«А навошта тады жыць у Мінску?»

«Дакладна не дзеля наведвання масавых мерапрыемстваў. Я не люблю натоўп, асабліва пасля падзеяў на Нямізе».

Чытайце таксама: «Судя по машинам, это все работяги». Беларусы высмеяли патриотов, приехавших отмечать День народного единства в Березе

Наш канал в Telegram. Присоединяйтесь!

Есть о чем рассказать? Пишите в наш Telegram-бот. Это анонимно и быстро